మగధీర' రికార్డ్ 'బాహుబలి' బ్రేక్ చేస్తుందా....

టాలీవుడ్ చిత్ర పరిశ్రమ చరిత్రలో 'మగధీర' రికార్డులన్నీ బ్రేక్ చేసింది. ఈ సినిమా సృష్టించిన రికార్డ్ ను ఇప్పటివరకు ఏ టాలీవుడ్ సినిమా క్రాస్ చేయలేకపోయింది. ప్రతి సినిమాని విభిన్నంగా చూపించే దర్శకుడు రాజమౌళి ఆ తర్వాత 'మర్యాద రామన్నా' 'ఈగ' వంటి సినిమాలు రూపొందించిన ఆ సినిమాలు మగధీర రికార్డ్స్ ని మాత్రం బ్రేక్ చేయలేకపోయాయి. అయితే తన రికార్డ్ ని తనే బ్రేక్ చేయాలనీ అనుకున్నాడెమో రాజమౌళి రాజుల కథ అయిన 'బాహుబలి' ఎంచుకున్నాడు. మగధీర సినిమా సెట్స్ పై ఉన్న సమయంలో ఆ చిత్రానికి 40 కోట్లు ఖర్చు అవుతుందని చెప్పి మంచి పబ్లిసిటీ ఏర్పడటంతో అంచనాలు పెరిగి 80 కోట్లు రాబట్టింది. మరి ఇప్పుడు బాహుబలికి అరవై కోట్లు అని రాజమౌళి చెబుతున్నాడు. మరి ఈ సినిమాకు రాజమౌళి ఎంత లాగుతాడో....మగధీర రికార్డ్ ని బ్రేక్ చేసి.... ప్రభాస్ ని మొదటి స్థానంలో నిలబెడుతాడో...లేక మగధీర రికార్డ్స్ నే కంటిన్యూ చేస్తాడో చూడాలి. అయితే బాహుబలి సినిమాని ప్రకటించినప్పటి నుంచి ప్రేక్షకులతో పాటు పరిశ్రమలో కూడా ఈ సినిమా పై భారీ అంచనాలు నేలకోన్నాయి. అయితే ఆ అంచనాలు చూస్తుంటే మగధీర రికార్డ్ బ్రేక్ ఖాయం అని అనిపిస్తుంది.