సూపర్ సక్సెస్ఫుల్ డైరెక్టర్ ఎస్ఎస్ రాజమౌళి దర్శకత్వంలో వచ్చిన ‘ఈగ’ సినిమా ద్వారా కన్నడ స్టార్ హీరో సుధీప్ తెలుగు వారికి పరిచయమై, మంచి పేరు తెచ్చుకున్నాడు. ఈ హన్డ్సం హీరో ప్రస్తుతం రాజమౌళి తీస్తున్న ‘బాహుబలి’ లో కూడా ఓ పాత్రలో కనిపించనున్నాడు. ఈ సినిమాలో సుదీప్ కనిపించేది ఓ చిన్న అతిధి పాత్రలో అయినప్పటికీ అది సినిమాకి చాలా కీలకం అని సమాచారం.
తెలుగు సినిమా రంగంలో ఎన్నడూ లేనంత భారీ బడ్జెట్ తో ‘బాహుబలి’ సినిమాని తెరకెక్కిస్తున్నారు. ఈ సినిమాలో యంగ్ రెబల్ స్టార్ ప్రభాస్ – రానా దగ్గుబాటి అన్నదమ్ములుగా కనిపించనున్నారు. అనుష్క హీరోయిన్ గా నటిస్తున్న ఈ సినిమాలో రమ్యకృష్ణ ‘రాజమాత’ పాత్రలో కనిపించనుంది. ఈ భారీ బడ్జెట్ పీరియాడిక్ ద్రామాని ఆర్కా మీడియా బ్యానర్ వారు నిర్మిస్తున్నారు. ఈ సినిమాలో హై రేంజ్ లో విఎఫ్ఎక్స్ ఉండనున్నాయి, ఇప్పటికే ఓ స్పెషల్ టీం విజువల్ ఎఫెక్ట్స్ పనులు చేయడం మొదలు పెట్టారు. ఎంఎం కీరవాణి సంగీతం అందిస్తున్న ఈ మూవీకి సెంథిల్ కుమార్ సినిమాటోగ్రాఫర్.
http://weloveprabhas.com/
No comments:
Post a Comment