నంది అవార్డు గెలుచుకున్న జోష్ లో ఉన్న ప్రభాస్ ఈరోజు ఒక ప్రముఖ తెలుగు దినపత్రికకు ఇచ్చిన ఇంటర్వ్యూలో అనేక ఆసక్తికర విషయాలను షేర్ చేయడంతో పాటు రాజమౌళి పై కొన్ని ఆసక్తికర కామెంట్స్ చేసాడు. తాను రాజమౌళిని ఒక దర్శకుడులా కాకుండా ఒక గురువుగా ముఖ్యంగా ఒక యూనివర్శిటీ ప్రొఫిసర్ లా భావిస్తానని ఆయన దగ్గర నుండి నటనకు సంబంధించి మాత్రమే కాకుండా పర్సనల్ విషయాలకు సంబంధించి కూడ అనేక విషయాలను రాజమౌళి నుంచి నేర్చుకున్నాను అంటూ జక్కన్న పై తన భక్తిని చాటుకున్నాడు ప్రభాస్.
ఇదే సందర్భంలో ఈ ఇంటర్వ్యూ నిర్వహిస్తున్న పత్రికా ప్రతినిధి ప్రభాస్ ను ‘బాహుబలి’ గడ్డం పై ప్రశ్నించినప్పుడు ఒక ఆసక్తికర సమాధానాన్ని ఇచ్చాడు ప్రభాస్. తనకు రోజు షేవ్ చేసుకోవడం అంటే తనకు చాల చిరాకు అని అందువల్ల ‘బాహుబలి’ కోసం తాను ఇన్ని సంవత్సరాలుగా గడ్డంతో ఎటువంటి బోర్ లేకుండా హయిగా ఉన్నాను అంటూ తన ‘బాహుబలి’ గడ్డం పై తానే సెటైర్లు వేసుకున్నాడు ప్రభాస్.
ఇక తనకు కాబోయే భార్య ఎలాఉండాలి అని చెపుతూప్రభాస్ ఒక ఆసక్తికర విషయాన్ని షేర్ చేసాడు. తన కుటుంబసభ్యులు మాత్రమే కాకుండా తన పెదనాన్న కృష్ణంరాజు కుటుంబం కూడా విపరీతమైన భోజన ప్రియులం అని చెపుతూ తనకు కాబోయే భార్య రకరకాల వంటలు తెలియకపోయినా పరవాలేదు కాని తమతోపాటుగా రకరకాల వంటలను ఆస్వాదిస్తూ తినగల మనస్థత్వం ఆ అమ్మాయికి ఉండాలి అంటూ అటువంటి అమ్మాయి కోసమే ఎదురుచూస్తుండటంతో తన పెళ్ళి లేట్ అవుతోంది అంటూ జోక్ చేసాడు.
ఇక తన సినిమాల ఎంపిక గురించి మాట్లాడుతూ ఇప్పటి నుంచి కనీసం సంవత్సరానికి రెండు సినిమాలు చేస్తూ గతంలో తాను తన అభిమానులకు మిస్ చేసిన ఆనందాన్ని తిరిగి ఇవ్వబోతున్నాను అని అంటూ తనకు అవకాశం వస్తే మల్టీ స్టారర్ మూవీలో కూడ నటించాలి అన్న కోరిక ఉంది అన్న విషయాన్ని బయట పెట్టాడు ప్రభాస్. ఇదే సందర్భంలో సుజిత్ తో చేయబోతున్న తన లేటెస్ట్ మూవీ మాట్లాడుతూ ఆ మూవీలో తన లుక్ నుంచి తన హెయిర్ స్టైల్ వరకు అన్నీ డిఫరెంట్ గా కనిపించబోతాయి అన్న లీకులు ఇస్తున్నాడు ప్రభాస్.
ఇక ఆఖరిగా సినిమాలలో నటించినట్లుగా రియల్ లైఫ్ లో నటించడం తనకు రాదు అని అంటూ మహా అయితే మరో 10 సంవత్సరాలపాటు నటిస్తానేమో అని అంటూ తాను జీవితాంతం సినిమాలలో నటించే ఓపిక లేదు అని తనపై తానే కామెంట్ చేసుకున్నాడు ప్రభాస్..
No comments:
Post a Comment