రాజమౌళి 'బాహుబలి' కాదట...

తెలుగు చిత్రపరిశ్రమలో చాలాకాలంగా రాజమౌళి దర్శకత్వం వహించబోతున్న చిత్రం పేరు 'బహుబలి' గా ప్రచారం జరుగుతుంది. 'ఈగ' వంటి అధ్బుతమైన సినిమా తర్వాత రాజమౌళి ఎంతో ప్రతిష్టాత్మకంగా సిద్దం చేసుకున్న సినిమా 'బాహుబలి'. ఇక అసలు విషయానికొస్తే రాజమౌళి రూపొందిస్తున్న ఈ సినిమాకి మొదటి నుంచి 'బాహుబలి' వర్కింగ్ టైటిల్ అనే చెబుతున్నాడు. కానీ ఈ సినిమా టైటిల్ అదే అని మీడియా తెగ ప్రచారం చేసింది. అయితే రాజమౌళి మాత్రం ఈ టైటిల్ ను మార్చే ఆలోచనలో ఉన్నాడు. ఈ సినిమాకి అతను 'మహా బలి' అనే టైటిల్ నిర్ణయించుకున్నాడని త్వరలో 'మహా బలి' అనే టైటిల్ ఫిల్మ్ చాంబర్ లో టైటిల్ రిజిస్టర్ చేయిస్తాడని చిత్రవర్గాల సమాచారం. ఈ సినిమా కథకి 'బాహుబలి' అనే టైటిల్ కంటే 'మహాబలి' అనే టైటిల్ కచ్చితంగా సెట్ అవుతుందని రాజమౌళి భావిస్తున్నాడట. ఈ సినిమాలో ప్రభాస్ రానా అనుష్కలు ప్రధాన పాత్రల్లో నటిస్తున్నారు.